Idman.biz
Mütləq Döyüş Çempionatının (UFC) yüngül çəkidə (61 kq-a qədər) çempionu Merab Dvalişvili ABŞ-li Kori Sendhegen üzərində qələbədən sonra "Mercedes" avtomobili hədiyyə aldığını açıqlayıb.
İdman.Biz xəbər verir ki, Dvalişvili bu barədə "The Ariel Helwani Show" adlı podkastda qonaq olarkən söyləyib.
Sözügedən döyüş oktyabrın 5-də ABŞ-nin Las-Veqas şəhərində keçirilən "UFC 320" turnirində baş tutub.
"Mənim sponsorum "Aviator" (kompüter oyunu – red.) UFC-də bir çox idmançını dəstəkləyir. Bu, həm də UFC-nin rəsmi sponsorudur. Bilmirəm, görmüsünüzmü, mənə əla "Mercedes" "G63 Wagon" hədiyyə etdilər. Mükəmməl hədiyyədir... Bəli, bu, döyüşümdən sonra verilən hədiyyədir", - deyə o bildirib.
Merab Dvalişvili UFC rəhbərliyinin döyüşləri onun vətəni Gürcüstanda keçirmə ehtimalı barədə də danışıb: "Sponsorum artıq bu məsələ ilə bağlı UFC rəhbərliyi və Gürcüstanın idman naziri ilə danışıqlar aparır. Onlar turniri Gürcüstana gətirmək üçün çalışırlar. Ümid edirəm, bu, baş tutacaq. Hazırda çempionam və bu titulu qorumağı planlaşdırıram, amma düşünmürəm ki, Gürcüstanda döyüşə bilərəm. Hər halda, bu, əla olardı".
