Idman.biz
İki divizionda keçmiş UFC çempionu və Şöhrət Zalının üzvü Daniel Kormye irlandiyalı Konor Makqreqorun UFC Ağ Ev tədbirində mümkün iştirakı barədə danışıb.
İdman.Biz bildirir ki, Kormyenin sözlərinə görə, Makqreqor yarışa qatılmasa, onun MMA karyerası faktiki olaraq başa çatacaq.
"Əgər o, Ağ Ev tədbirində iştirak etməsə, deməli, o, artıq keryerasını bitirib. Konoru bəyənib-bəyənməməyinizdən asılı olmayaraq, bu tədbir UFC tarixində ən böyük yarış olacaq, amma yalnız Makqreqor orada olarsa. Bəli, yarış güclü və əyləncəli olacaq, amma yalnız Konorun iştirakı onu ən möhtəşəm edəcək", - Kormye ESPN MMA YouTube kanalında bildirib.
Tədbir 14 iyun 2026-cı ildə olacaq.
