Idman.biz
Keçmiş UFC döyüşçüsü, 45 yaşlı braziliyalı Ceronimo dos Santos Amazon hövzəsində çimərkən itkin düşüb.
İdman.Biz "Lance" portalına istinadla xəbər verir ki, insident Amazon çayının ən böyük sol qolu sayılan Rio-Neqro çayında baş verib.
Bildirilir ki, Ceronimo yerli vaxtla saat 10:00-da suya daxil olub və bundan sonra bir daha suyun səthinə çıxmayıb.
Hadisədən bir neçə saat sonra axtarış-xilasetmə əməliyyatlarına başlanılıb.
Yerli hakimiyyət orqanlarının açıqlamasına əsasən, hadisə çayın son dərəcə təhlükəli hissəsində qeydə alınıb. Həmin ərazidə qumlu sahə qəfil dərin uçurum və güclü axını gizlədir. İstintaqın ilkin versiyasına görə, dos Santos bu dərinliyə düşüb və güclü axın onu çayın yuxarı hissələrinə doğru aparıb.
