Idman.biz
UFC Şöhrət Zalının üzvü və yüngül (70 kq) çəki dərəcəsində keçmiş UFC kəmər sahibi, 37 yaşlı rusiyalı Həbib Nurməhəmmədov, karyerasını bitirməzdən əvvəl qarışıq döyüş sənətinin ən yüksək səviyyəli əsaslarını mənimsəməyə başladığını söyləyib.
İdman.Biz-in məlumatına görə, Həbib, özünün dediyi kimi, MMA-nın sirlərinə yalnız 32 yaşından sonra vaqif olmağa başlayıb.
"Bu qədər həyat enerjisini haradan tapırsan? Mənim 37 yaşım var. Gəncəm, hələ də enerjim var. Yaxın dostum mənə dedi ki, 40 yaşından sonra çətin olacaq, bir az yavaşlamağa başlayacaqsan. Mənim təzəlikcə 37 yaşım tamam oldu. Unutmayın ki, karyeramı ailəmdə baş verən faciəyə görə bitirdim. Mən karyerama 32 yaşımda son qoydum. Hətta başlamağa belə vaxtım yox idi. MMA-nın əsaslarını yeni öyrənməyə başlamışdım. Sonra atamla bağlı faciə baş verdi və mən də o zaman bitirdim" - Nurməhəmmədov UDAR telekanalına verdiyi müsahibədə bildirib.
Həbib Nurməhəmmədovun atası, məşqçi Abdulmanap Nurməhəmmədov 2020-ci ilin 3 iyulunda 58 yaşında koronavirus infeksiyasından vəfat edib.
