Idman.biz
Məşhur qarışıq döyüş ustası və keçmiş UFC yüngül çəki çempionu Həbib Nurməhəmmədov məşqçidən daha çox döyüşçü olmaqdan zövq aldığını etiraf edib.
İdman.Biz bildirir ki, "Qartal" son döyüşünü 24 oktyabr 2020-ci ildə BƏƏ-nin Əbu-Dabi yaxınlığındakı Yas adasında baş tutan UFC 254-də keçirib. Onun o vaxtkı rəqibi müvəqqəti UFC yüngül çəki çempionu Castin Qetji olub.
"Mən məşqçidən daha çox döyüşçü olmaqdan zövq alıram, çünki normal vəziyyətə qayıtmaq üçün ən azı bir həftəyə ehtiyacım var və məşqçilik məni yorur. Enerjim yoxdur, bu, mənim üçün həqiqətən çətindir, çünki rahatlaya bilmirəm. Çünki oğlanlarımı küncə sıxanda onlar mənə çox yaxın olurlar. Kimsə onların üzlərini, qollarını və ayaqlarını sındırmağa çalışanda normal emosional vəziyyətdə ola bilmirəm", - Nurməhəmmədov WorldSportSummit podkastında bildirib.
Son döyüşü rusiyalı idmançının ikinci raundda qələbəsi ilə başa çatıb. Bu, Nurməhəmmədovun karyerasında 29-cu qələbəsi olub.
