Idman.biz
"Çempionat yüksək səviyyədə təşkil olunmuşdu".
İdman.Biz xəbər verir ki, bu sözləri oğlan boksçulardan ibarət Azərbaycan millisinin baş məşqçisi Elbrus Rzayev Çexiyanın Ostrava şəhərində keçirilən U-19 Avropa çempionatının nəticələri barədə jurnalistlərə açıqlamasında deyib.
Mütəxəssis milli komandanın yarışda inamlı çıxış etdiyini bildirib: "33 ölkədən idmançılar medallar uğrunda mübarizə aparırdılar. Komandamızın üzvləri yarışda çox yaxşı çıxış etdilər. Bilalhəbaşi Nəzərov (50 kq) Azərbaycan boks tarixində ilkə imza atdı. O, yerli gənclər arasında ikinci dəfə Avropa çempionu titulunu qazandı. Oğlanlarla yanaşı, qızlarımız da özlərini yaxşı tərəfdən göstərdilər. Gümüş və bürünc mükafata yiyələndilər. Növbəti yarışlarda da yaxşı çıxış etməyə və medalların sayını artırmağa çalışacağıq".
Qeyd edək ki, Azərbaycan boksçuları turniri biri qızıl, biri gümüş, üçü bürünc olmaqla ümumilikdə beş medalla başa vurublar.
