Idman.biz
Yüngül çəki dərəcəsində (61 kq-a qədər) keçmiş UFC çempionu Merab Dvalişvili hazırkı yüngül çəki çempionu İliya Topuriya ilə yarımorta çəki çempionu İslam Mahaçev arasında döyüşün tezliklə təşkil oluna biləcəyinə işarə edib.
İdman.Biz xəbər verir ki, bu barədə "MMA Pros Pick" portal məlumat yayıb.
"İliyadan bəzi detalları bilirəm. Bu, təsəvvür etdiyimizdən daha tez baş verə bilər" – Dvalişvili portala bildirib.
İspan-gürcü döyüşçüsü İliya Topuriya peşəkar qarışıq döyüş sənətlərində debütünü 2015-ci ilin aprelində edib. O, 2020-ci ilin oktyabrında Şimali Amerika Matador Liqasında yarışmağa başlayıb. İliyanın 17 qələbəsi var və onlardan yalnız ikisi hakim qərarı ilə qazanılıb.
İslam Mahaçevinsə hazırda UFC-də 16 qələbə seriyası var. İslamın cəmi 28 qələbəsi və bir məğlubiyyəti mövcuddur. Rusiyalı idmançı Nyu-Yorkda UFC 322-də keçirilən son döyüşündə avstraliyalı Cek Della Maddalena ilə qarşılaşıb. Onun UFC yarımorta çəki titulu təhlükə altında idi. Döyüş Mahaçevin yekdil qərarla qələbəsi ilə başa çatıb.
