Idman.biz
UFC prezidenti Dana Uayt Con Cons və Aleks Pereyra arasında döyüşün təşkil olunması barədə fikirlərini açıqlayıb.
İdman.biz xəbər verir ki, o bildirib ki, braziliyalı Aleks Pereyra ilə amerikalı Con Cons arasında döyüş təşkil etməyi düşünmür.
UFC prezidenti bunun səbəbini izah edib: "Bilirsiniz, bu günkü turnirdən sonra nəyi anladım? Mən heç vaxt Con Cons ilə Pereyra arasında döyüş təşkil edə bilmərəm. Con çox iri, əla bir güləşçidir. Xatırlayırsınızsa, o, Stipeni ilk raundda necə yerə sərdi? Mən Aleks Pereyranı sevirəm, amma bu döyüşü təşkil etməyin mənası yoxdur".
Dana Uayt əlavə edib ki, əgər onların hər ikisi bunu kifayət qədər istəyirlərsə, bəlkə də o zaman döyüşü təşkil edər: "Amma Aleks üçün çox iri və çox yaxşı güləşçi olan birinə qarşı döyüşmək məntiqlidir ki?".
