Idman.biz
Castin Qeycinin məşqçisi Trevor Vittman ABŞ-li döyüşçünün qarşıdakı görüşünün onun üçün həlledici ola biləcəyini bildirib.
İdman.Biz xarici KİV-ə istinadən xəbər verir ki, məşqçinin sözlərinə görə, əgər Qeyci Peddi Pimblettlə döyüşdə məğlub olsa, karyerasını başa vuracaq.
Vittman qeyd edib ki, komanda divizionda "qapıçı" rolunu oynamaq və ya yalnız maddi baxımdan cəlbedici döyüşlərin arxasınca getmək niyyətində deyil.
Məşqçi Qeycinin ailəsinə yaxın olmağın və sağlamlığını düşünməyin vacibliyini dərk etdiyini vurğulayıb. Vittmanın sözlərinə görə, qarşıdakı döyüş Qeycinin karyerasında son böyük sınaq kimi qiymətləndirilir.
