Idman.biz
2025-ci ildə UFC-də ən çox bonus qazanan divizionlar açıqlanıb və yüngül çəki 26 bonusla birinci yerdə qərar tutub.
İdman.biz-in məlumatına görə, yüngül çəki üzrə döyüşçülər 26 bonus qazanaraq orta çəki divizionunu (21 bonus) qabaqlayıblar. Bu qələbəyə Azərbaycan döyüşçüsü Nazim Sadıxov da töhfə verib. Sadıxov 21 iyun tarixində Bakıda keçirilən UFC turnirində braziliyalı döyüşçü Nikolas Motaya qalib gələrək bonus qazanıb. Lakin son döyüşündə Las-Veqasda fransalı Fares Ziyama məğlub olub.
Yüngül çəki divizionunda həmçinin digər iki azərbaycanlı döyüşçü - Rafaəl Fiziyev və Tofiq Musayev çıxış edir, lakin 2025-ci ildə onlar öz döyüşlərinə görə bonus qazanmayıblar.
Liderlik sıralamasında üçüncü yeri kişilərin ən yüngül çəki divizioni (16 bonus), yarı orta və yarı yüngül çəki divizionları isə hərəyə 14 bonusla tutub. Ağır çəkidəki döyüşçülər 12 bonus qazanıb, ən yüngül və yarı ağır çəki divizionları isə hərəyə 11 bonusla ili tamamlayıb.
Ən az vizual baxımdan cəlbedici isə qadın divizionları olub: minimal çəki 7, ən yüngül və yüngül çəki divizionları isə hərəyə 4 bonusla kifayətlənib.
Hazırda UFC-nin yüngül çəki üzrə çempionu ispan-gürcü döyüşçü İliya Topuriya hesab olunur.
Teymur Tuşiyev
