Idman.biz
Ukraynalı boksçu, super ağır çəkidə WBA, WBC, IBF və IBO kəmərlərinin sahibi Aleksandr Usik Entoni Coşua və Tayson Fyuri ilə döyüşlərə çox illər əvvəl hazırlaşmağa başladığını bildirib.
İdman.Biz xəbər verir ki, "Ready to Fight" portalına danışan 38 yaşlı məğlubedilməz boksçu bu qarşılaşmaların onun üçün illər öncədən hədəf olduğunu vurğulayıb:
"Mən Entoni Coşua və Tayson Fyuri ilə döyüşə hələ 10-11 il əvvəl hazırlaşmağa başlamışdım. Hətta bir çox insanlara deyirdim ki, onlarla döyüşəcəyəm. Ukrayna televiziyalarından birində Kliçko qardaşları deyirdilər: "Qulaq as, kəmərləri qoy kənara və dincəl". Mən isə cavab verirdim: "Dinləyin, dörd, bəlkə də üç ildən sonra Entoni Coşua və Tayson Fyuri ilə döyüşəcəyəm".
"Bir çoxu mənə gülərək bunun mümkünsüz olduğunu deyirdi. Amma mən onlara bunu edəcəyəmi dedim. Və buna nail oldum, çünki inamımı qorudum. Mən hər gün Allaha dua edirəm. İnsan çox çalışanda, Allah ona şans verir", - deyə boksçu vurğulayıb.
Qeyd edək ki, Aleksandr Usik peşəkar boksda hələ də məğlub olmayıb və son illərin ən böyük ağır çəki qarşılaşmalarının əsas simalarından biri hesab olunur.
