Idman.biz
Bu gün Azərbaycanın basketbol klubları FIBA Avropa Kubokunun I qrupunda növbəti oyunlarını keçirəcəklər.
İdman.Biz xəbər verir ki, I qrupunda mübarizə aparan "Neftçi" səfərdə Estoniyanın "Kalev" komandası ilə üz-üzə gələcək.
Qarşılaşma Bakı vaxtı ilə saat 21:30-da Tallindəki "Kalevi Spordihall"da start götürəcək.
Qrupun digər görüşündə "Abşeron Lions" Polşa təmsilçisi "Trefl"lə münasibətlərə aydınlıq gətirəcək. Bu görüş 22:15-də Sopotdakı "Sentennial Sport Hall"da baş tutacaq.
Qeyd edək ki, "Trefl" və "Neftçi" hərəyə yeddi xalla müvafiq olaraq bir və ikinci yerlərdədirlər. Hərəyə beş xalı olan "Abşeron Lions" və "Kalev" isə müvafiq olaraq üç və dördüncü pillələrdədirlər.
