Sport24.az
Bu gün basketbol klublarımız FIBA Avropa Kubokunda növbəti oyunlarını keçirəcəklər. Sport24.az xəbər verir ki, I qrupunda mübarizə aparan "Neftçi" səfərdə Estoniya təmsilçisi "Kalev"lə qarşılaşacaq.
Görüş Bakı vaxtı ilə saat 21:30-da Tallindəki "Kalevi Spordihall"da start götürəcək.
Qrupun digər matçında "Abşeron Lions" Polşada "Trefl"lə üz-üzə gələcək. Görüşün start fiti Bakı vaxtı ilə saat 22:15-də səslənəcək.
Qeyd edək ki, "Trefl" və "Neftçi" hərəyə 7 xalla müvafiq olaraq 1 və 2-ci yerlərdədirlər. Hərəyə 5 xalı olan "Abşeron Lions" və "Kalev" isə müvafiq olaraq 3 və 4-cü pillələrdədirlər.
