Idman.biz
Azərbaycanın 20 yaşadək oğlanlardan ibarət basketbol millisi FIBA U-20 Avropa çempionatının B divizionunun A qrupunda növbəti oyununa çıxıb.
İdman.Biz xəbər verir ki, yığmamız dördüncü tur çərçivəsində Şimali Makedoniya seçməsi ilə qarşılaşıb.
Matç 67:57 hesabı ilə rəqibin xeyrinə bitib.
U20 oğlanlardan ibarət millimiz FIBA U20 Avropa Çempionatının B divizionunda qrup mərhələsini 4-cü pillədə tamamlayaraq 9–16-cı yerlər uğrunda mübarizəni davam etdirəcək. Komanda iyulun 17-də İsveçrə ilə qarşılaşacaq.
A qrupunda yekun vəziyyət belədir:
1. İsveç – 8 xal
2. İrlandiya – 7 xal
3. Şimali Makedoniya – 6 xal
4. Azərbaycan – 5 xal
5. Slovakiya – 4 xal
10:03
Bu gün Azərbaycanın 20 yaşadək oğlanlardan ibarət basketbol millisi FIBA U-20 Avropa çempionatının B divizionunda növbəti oyununa çıxacaq.
İdman.Biz xəbər verir ki, A qrupunda mübarizə aparan yığmamız dördüncü tur çərçivəsində Şimali Makedoniya seçməsi ilə qarşılaşacaq.
Bratislavadakı "GOPASS Arena"da keçiriləcək görüş Bakı vaxtı ilə saat 23:00-da start götürəcək.
Qeyd edək ki, Azərbaycan millisi turnirdə keçirdiyi ilk oyunda İsveçə 58:85 hesabı ilə məğlub olub. Komandamız ikinci turda Slovakiyanı 72:66 hesabı ilə məğlub etsə də, üçüncü qarşılaşmada İrlandiyaya 47:54 hesabı ilə uduzub.
