Sport24.az
Bu gün Azərbaycan Basketbol Liqasında (ABL) XV tur yekunlaşır. Sport24.az xəbər verir ki, hesabat həftəsinin sonuncu oyun günündə A qrupunda yer alan komandalar üz-üzə gələcək.
Gəncədə keçiriləcək qarşılaşmada şəhərin eyniadlı təmsilçisi" "Şəki"ni qonaq edəcək. Matçın start fiti saat 14:00-da səslənəcək. Paytaxtda isə NTD - "Neftçi" oyunu baş tutacaq. Bu görüş saat 18:00-a planlaşdırlıb.
"Neftçi" bu qrupda 20 xalla üçüncü pillədə qərarlaşıb. Eyni xala malik olan "Gəncə" dördüncü sıradadır. Beşinci yerdəki "Şəki"nin, altıncı mövqedəki NTD-nin 16 xalları var.
Qeyd edək ki, XV turda "Ordu" "Lənkəran"ı (103:63), "Naxçıvan" "Quba"nı (82:70), "Sərhədçi" "Sumqayıt"ı (98:94), "Sabah" "Abşeron Lions"u (117:96) məğlub edib.
