Idman.biz
Almaniyanın Reyn-Rur bölgəsində keçirilən Universiadada çimərlik voleybolu üzrə yarışlar davam edir.
İdman.biz-in Almaniyaya ezam olunmuş əməkdaşı xəbər verir ki, oyunlar Duysburq şəhərində keçirilir.
Qadınlar arasında Azərbaycanı təmsil edən çimərlik voleybolçuları – Səbinə Əlizadə və Fidan Əhmədxanova multiforumda ikinci oyunlarını keçiriblər. Onlar litvalı cütlük – Krizanauskayte və Rutkovskaya ilə qarşılaşmada iki setdə uduzublar. Bu, onların Universiadadakı ikinci məğlubiyyətidir.
Daha sonra kişilərdən ibarət duetimiz – Nəriman Bayramlı və Ayxan Abdullayev meydançaya çıxacaq. Onlar avstriyalı cütlük – Klemen və Spoler ilə qarşılaşacaqlar.
İdman.biz
