Çimərlik voleybolu üzrə Azərbaycan çempionatında finalçılar və bürünc mükafatçılar müəyyənləşib

Bu gün çimərlik voleybolu üzrə ölkə çempionatında yarımfinal və bürünc medal qarşılaşmaları baş tutub.

İdman.biz xəbər verir ki, Bakı Su İdmanı Sarayında təşkil olunan yarışda ilk olaraq həm qadınlar, həm də kişilər arasında finala yüksələn komandalar müəyyənləşib.

Qadınların yarışında "Azərreyl-1" və "Azərreyl-2" həlledici oyunda yüksəliblər. Kişilərin mübarizəsində isə "Azərreyl-1" və "Xilasedici-2" bu hüququ əldə ediblər.

Bu gün həm də bürünc medalçılar bəlli olub. Qadınlar arasında "Milli Aviasiya Akademiyası-1" üçüncü yeri tutub. Onlar "Milli-2"ni 2:0 (21:15, 21:10) hesabı ilə məğlub ediblər.

Kişilərdə isə "Azərreyl-2" - "Murov Az Terminal-4"dan güclü olub - 2:1 (21:12, 15:21, 15:07)r.

Azərbaycan çempionatı
24 iyul
Oyunların nəticələri
Yarımfinal (qadınlar)
"Azərreyl-1" - "Milli Aviasiya Akademiyası-1" 2:1 (17:21, 21:13, 15:05)
"Azərreyl-2" - "Milli-2" 2:0 (21:12, 21:11)

Bürünc medal
"Milli Aviasiya Akademiyası-1" - "Milli-2" - 2:0 (21:15, 21:10)

Yarımfinal (kişilər)
"Azərreyl-1" - "Azərreyl-2" - 2:0 (21:06, 21:11)
"Xilasedici-2" - "Murov Az Terminal-4" - 2:0 (21:17, 21:09)

Bürünc medal
"Azərreyl-2" - "Murov Az Terminal-4" - 2:1 (21:12, 15:21, 15:07)

25 iyul
Final (qadınlar)
17:00. "Azərreyl-2" - "Azərreyl-1"

Final (kişilər)
19:00. "Azərreyl-1" - "Xilasedici-2"

Qeyd edək ki, oyunlardan sonra mükafatlandırma mərasimi keçiriləcək.

İdman.biz