Report.az
III MDB Oyunları: Azərbaycan taekvondoçuları üç qızıl medal qazanıblar
Bu gün Mingəçevir şəhərində yerləşən "Kür" Olimpiya Tədris-İdman Mərkəzində III MDB Oyunları çərçivəsində taekvondo yarışlarına start verilib.
İlk gündə 7 çəki dərəcələrində yarışlar keçirilib: kişilərdə 54 kq, 63 kq, 74 kq və 87 kq, qadınlarda isə 46 kq, 53 kq və 62 kq.
Azərbaycan təmsilçiləri Ziya Həsənli (63 kq), Humay Dadaşova (46 kq) və Məryəm Məmmədova (53 kq) finalda qalib gələrək, III MDB Oyunlarının qızıl medalını qazanıblar.
Elcan Əliyev (74 kq) və Ümid Rəhimzadə (54 kq) finalda məğlub olaraq, gümüş medala yiyələniblər.
Eyni zamanda, altı taekvondoçu bürünc medalın sahibi olublar – kişilərdə Tamerlan Yaqubov (54 kq), Allahverdi Məmmədov və Zeynal Əliyev (hər ikisi – 87 kq), qadınlarda isə Səlimə Quliyeva (46 kq), Nilufər Borci (53 kq) və Nərgiz Kazımova (62 kq).
17:25
Azərbaycan III MDB Oyunlarında daha bir qızıl medal qazanıb.
"Report" xəbər verir ki, taekvondoçu Ziya Həsənli (63 kq) birinci yeri tutub.
Mingəçevirdəki "Kür" Olimpiya Tədris-İdman Mərkəzində keçirilən taekvondo turnirinin finalında o, Rusiya təmsilçisi Yeqor Lakiyə qalib gəlib.
Qeyd edək ki, ilk olaraq samboçu Abdullətif Musayev (53 kq) qızıl mükafata sahib çıxıb.
III MDB Oyunları taekvondo Qızıl medal
