Idman.biz
Belçikanın "Brügge" futbol klubunun sol cinah müdafiəçisi Xoakin Seys İngiltərə Premyer Liqasına keçə bilər.
İdman.Biz xəbər verir ki, "Mirror Football"un məlumatına görə, "Mançester Siti" 21 yaşlı futbolçunun transferi ilə bağlı Belçika klubuna ilk təklifini göndərmək imkanını nəzərdən keçirir.
"Brügge" Seysin transfer qiymətini 35 milyon avro müəyyənləşdirib.
Seys ötən mövsüm bütün turnirlərdə 55 oyunda meydana çıxıb. O, bu görüşlərdə beş qol vurub və səkkiz məhsuldar ötürmə ilə yadda qalıb.
Futbolçunun "Brügge" ilə hazırkı müqaviləsi 2029-cu ilin yayına qədər qüvvədədir.
"Transfermarkt" portalı isə belçikalı müdafiəçinin bazar dəyərini 20 milyon avro qiymətləndirir.
