Idman.biz
Səudiyyə Ərəbistanının Ər-Riyad şəhərində keçirilən VI İslam Həmrəyliyi Oyunlarında güləş yarışları davam edir.
İdman.Biz bildirir ki, təmsilçimiz İslam Bazarqanov (57 kq) gümüş medal qazanıb.
O, finalda qırğızıstanlı Abdumalik Karaçova 3:9 hesabıyla məğlub olaraq ikinci yeri tutub.
14:11
Səudiyyə Ərəbistanının Ər-Riyad şəhərində keçirilən VI İslam Həmrəyliyi Oyunlarında Azərbaycanın iki güləşçisi finala yüksəlib.
İdman.Biz xəbər verir ki, qadınlar arasında 62 kq çəki dərəcəsində Ruzanna Məmmədova yarımfinalda özbəkistanlı Nigina Sabirovaya 6:0 hesabı ilə qalib gələrək finala yüksəlib.
Sərbəst güləş üzrə 57 kq-da mübarizə aparan İslam Bazarqanov isə rəqibi Tambi Rolandın (Kamerun) mübarizədən kənarlaşdırılmasından sonra 1/8 finala çıxıb. Sonrakı mərhələlərdə Bazarqanov 1/4 finalda Ali Momenijoujadeni (İran) 4:2, yarımfinalda isə Said Zazai (Əfqanıstan) üzərində 10:0 hesablı qələbə qazanaraq finala yüksəlib.
Qeyd edək ki, İslamiada noyabrın 21-də başa çatacaq.
