U17 Avropa çempionatı: Yunan-Roma güləşində 3 güləşçimiz yarımfinalda

Şimali Makedoniyanın paytaxtı Skopyedə U-17 Avropa çempionatı davam edir.

İdman.biz xəbər verir ki, qitə birinciliyinin ikinci yarış günündə yunan-Roma güləşi üzrə son 5 çəki dərəcəsində mübarizəyə start verilib.

Onlardan 3-ü yarımfinala vəsiqə qazanıb.

U17 Avropa çempionatı
Yunan-Roma güləşi
4️5️ kq
Abdurrahman Hüseynli ukraynalı İqor Tutskanyuka (9:0) və moldovalı Vadim Tarelunqaya (8:0) tam üstünlüklə qalib gələrək yarımfinala yüksəlib. O, yarımfinalda rusiyalı Artyom Tkaçenkoyla qarşılaşacaq.

5️1️ kq
Elşad Abbasov polşalı Maçiey Qriniaya (9:0) və türkiyəli Serkan Gülləyə (17:9) tam üstünlüklə qalib gələrək yarımfinala vəsiqə qazanıb. Elşad yarımfinalda ermənistanlı Marat Atşemyanla üz-üzə gələcək.

6️0️ kq
Əli Nəzərov ukraynalı Denis Seredinə 4:1 hesabıyla, moldovalı Vlad Duminikaya tam üstünlüklə (8:0) qalib gələrək yarımfinalda iştirak hüququ qazanıb. Güləşçimiz finala gedən yolda türkiyəli Abdul Arslantaşla qarşılaşacaq.

7️1️ kq
Yusif Əhmədli təsnifat mərhələsində ermənistanlı Roman Usoyana sonuncu xal prinsipinə əsasən (5:5) məğlub olub.

9️2️ kq
Səid Paşayev 1/8 finalda türkiyəli Ahmet Uzuna sonuncu xal prinsipinə əsasən (3:3) məğlub uduzub.

Qeyd edək ki, yarışın ilk günündə Rihad İbrahimli (110 kq) finala yüksəlib, Qurban Məcnunov (48 kq) və Nicat Yeylaqaliyev (80 kq) isə bürünc medal uğrunda yarışacaq.

İdman.biz