Sport24.az
"Hər peşənin öz çətinliyi var". Sport24.az xəbər verir ki, bu sözləri Azərbaycan Güləş Federasiyasının Hakimlər Komitəsinin sədri Asif Şirəliyev qurum tərəfindən Şamaxıda təşkil edilən seminarda çıxışı zamanı deyib.
Onun sözlərinə görə, futbolun azarkeş kütləsi daha çox olduğunu üçün hakimlərin məsuliyyəti artır: "Güləşə gəlincə, hakim özü də xalçada güləşməlidir. Özümdən danışıram, mən də güləşçilər kimi döşəkdə mübarizə aparıram. Xalça üzərində olan hakimin məsuliyyəti digərlərindən daha çox olur. Son qərarı xalça rəhbəri verir".
"Mən özüm də mexaniki səhvlər etmişəm. Bəzən olub ki, fiti erkən səsləndirmişəm. Amma 19 illik karyeram ərzində heç vaxt ciddi səhvim olmayıb. Beynəlxalq qurum tərəfindən yarışlardan kənarlaşdırılmamışam", - deyə mütəxəssis qeyd edib.
