Idman.biz
İdman Gimnastikası üzrə FIG Dünya Kubokunun ilk günü başa çatdı.
30-dan çox ölkənin mübarizə apardığı Kubok 4 gün müddətində Milli Gimnastika Arenasında davam edəcək.
Kubokda ölkəmizi kişilər arasında Nikita Simonov, Aydın Əlizadə və Rəsul Əhmədzadə, qadınlar arasında Dəniz Əliyeva, Nazənin Teymurova və Xədicə Abbaszadə təmsil edirlər. Yarışın ilk iki günü təsnifat mərhələsi, digər iki günü finallar olacaq. İlk günün nəticələrinə əsasən Nikita Simonov və Dəniz Əliyeva final mərhələsinə vəsiqə qazanıb.
Qarşıda bizi həyəcanlı mübarizə gözləyir.
12:33
Bakıda idman gimnastikası üzrə Dünya Kuboku start götürüb.
İdman.Biz xəbər verir ki, idmançılar Milli Gimnastika Arenasında təşkil olunan yarışların ilk günündə təsnifat mərhələsində qüvvələrini sınayırlar.
Gimnastlar sərbəst hərəkətlər, paralel qollar, halqalar, dayaqlı tullanma, müxtəlif hündürlüklü qollar proqramlarında çıxış edirlər.
Turnirdə ölkəmizi Rəsul Əhmədzadə, Aydın Əlizadə, Nikita Simonov, Dəniz Əliyeva, Nazənin Teymurova və Xədicə Abbaszadə təmsil edirlər.
30-dan çox ölkədən idmançıların mübarizə apardığı yarış martın 8-də başa çatacaq.
