Idman.biz
Futzal üzrə Azərbaycan kubokunda yarımfinal mərhələsinin oyunları keçirilib. Hər iki görüşdə Yüksək Liqa təmsilçiləri rəqiblərini üstələyərək finala vəsiqə qazanıblar.
İdman.Biz xəbər verir ki, günün ilk oyununda "Neftçi" İK "Baku Fire-2" komandası ilə üz-üzə gəlib. Gərgin keçən mübarizədə rəqibindən daha üstün oyun nümayiş etdirən "Neftçi" İK qələbə qazanaraq adını finala yazdırıb - 9:1.
Yarımfinalın digər matçında isə "Araz-Naxçıvan" PFL üzərində böyükhesablı qələbəyə sevinib – 20:3. Naxçıvan təmsilçisi bu nəticə ilə həm finala yüksəlib, həm də ötən mövsümün həlledici oyunundakı məğlubiyyətin əvəzini çıxmağı bacarıb.
Beləliklə, futzal üzrə Azərbaycan kubokunun qalibi mayın 21-də keçiriləcək "Neftçi" İK - "Araz-Naxçıvan" matçında müəyyənləşəcək.
