Idman.biz
"Baku Sportinq"lə oyunda 2 xal itirdik. Oyunun böyük hissəsini hesabda öndə olsaq da, sonda istədiyimizə nail ola bilmədik".
Bu sözləri sport24.az-a açıqlamasında "Zaqatala"nın baş məşqçisi Rüstəm Məmmədov deyib.
O, komandasının I Liqanın IV turunda "doğma divarlar" arasında "Baku Sportinq"lə heç-heçə etdiyi matçı şərh edib:
"Son 15-20 dəqiqə müdafiədə daha diqqətli və səbrli olsaydıq, hesab fərqli ola bilərdi. Rəqibimiz 3 oyuna 9 qol vurmuşdur. Çox keyfiyyətli komandaya qarşı oynadıq. Buna qarşı hazırlıq görmüşdük. Birinci hissədə biz, ikinci hissə "Baku Sportinq" yaxşı çıxış etdi. Ümumilikdə hər iki komanda üçün layiqlisi heç-heçə idi. İstədiyimiz vaxtda bir araya gələ bilməməyimizi və bəzi futbolçuların kollektivə gec qoşulduğunu nəzərə alsaq, dörd oyuna yeddi xal heç də pis göstərici deyil. Amma turnir cədvəlində yuxarı yerlər uğrunda mübarizə aparırıqsa, təbii ki, heç-heçədən razı qala bilmərik".
Qeyd edək ki, IV turdan sonra aktivində yeddi xal olan "Zaqatala" turnir cədvəlinin 5-ci pilləsində qərarlaşıb.
