Sport24.az
"Yuventus" gələcək yaz transfer dönəmində yeni qapıçı axtarışına başlayıb. Di Qreqorionun son həftələrdə etdiyi səhvlər klub rəhbərliyini bu qərara gətirib.
Ən böyük namizədlərdən biri "Tottenhem"in qapıçısı Gilerme Vikariodur. Sport24.az xəbər verir ki, bu barədə "La Gazzetta Dello Sport" məlumat yayıb.
Mənbənin sözlərinə görə, "qoca sinyora" yay transfer dövründə 30 yaşlı qapıçını transfer etmək niyyətindədir. "Tottenhem" isə qolkiperin transferi üçün 30 milyon avro tələb edir.
Qeyd edək ki, Vikario bu mövsüm bütün turnirlərdə 37 oyun keçirib və 52 qol buraxıb. 13 qarşılaşmada isə qapısını toxunulmaz saxlayıb.
