Sport24.az
"Yuventus" "Mançester Yunayted"in hücumçusu Ceydon Sançonu transfer etmək istəyir. Sport24.az xəbər verir ki, bu barədə insayder Canluka Di Marsio social şəbəkə hesabında paylaşım edib.
Bu gün klublar arasında 25 yaşlı ingilis futbolçunun transferinin mümkünlüyünü müzakirə etmək üçün video zəng baş tutacaq.
İyunun əvvəlində mətbuatda "Aston Villa", "Tottenhem" və "Nyukasl"ın da Sançonun xidmətində maraqlı olduğu barədə xəbərlər yayılmışdı.
Qeyd edək ki, Sanço 2024/25 mövsümündə "Çelsi"də icarə əsasında oynayıb, bütün yarışlarda 42 oyunda 5 qol vurub və 10 məhsuldar ötürmə verib.
"Transfermarkt" portalı oyunçunun dəyərini 28 milyon avro qiymətləndirir. Futbolçunun "Mançester Yunayted"lə hazırkı müqaviləsi 2026-cı ilində başa çatır.
