Sport24.az
"Rəqib ilk qolu vurana qədər yığma heç də yaxşı oynamadı. Çox passiv təsir bağışlayırdılar. Qapısında qol gördükdən sonra komanda "oyandı", meydanda daha çox hərəkət etməyə başladı". Bu sözləri Sport24.az-a Yunis Hüseynov deyib.
Millinin Albaniya ilə oyununa münasibət bildirən təcrübəli mütəxəssis müdafiənin zəif təsir bağışladığını vurğulayıb: "Müdafiə ilə müqayisədə orta xətti pis təsir bağışlamadı. Müdafiəçilər kobud səhvlərlə yadda qaldılar. Təbii ki, rəqib güclüdü, Avropa çempionatının final mərhələsinə vəsiqə qazanan komandadı. Amma ümumi götürəndə uduzulası oyun deyildi. Bəzi futbolçular yorğun görünürdü, oyuna hazır olmadığı hiss olunurdu. Arif müəllim də qeyd etdiyi kimi oyunçular yığmaya tam hazır gəlməlidilər".
Hüseynov sabah keçiriləcək Qazaxıstanla oyun barədə də fikirlərini bölüşüb: "Qarşıda Qazaxıstanla oyun var. Futbolçularımıza uğurlar arzu edirəm. Düşünürəm ki, postsovet təmsilçisiylə matçda komanda daha yaxşı çıxış edəcək".
