Sport24.az
"Hazırda davam edən qitə çempionatı əvvəlkilərdən elə də fərqlənmir. Sadəcə, komandalar ilk oyunda uduzmaq istəmirdilər. Məhz bu səbəbdən açıq futbol izlədik". Bu sözləri Sport24.az-a açıqlamasında Yunis Hüseynov deyib.
Təcrübəli mütəxəssis qitə çempionatı ilə bağlı təəssüratlarını bölüşüb: "Bütün komandalar sona qədər mübarizə aparır. Amma Ukraynanın rumınlara asan məğlub olmasını, Belçikanın skovaklar qarşısında aciz qalacağını gözləmirdim. Bu iki matçda nəticə sensasiya oldu. Avstriya - Fransa matçında nominal ev sahibləri heç də fransızlardan zəif oynamadı. Sadəcə, hesabda uduzdular. Ümumi götürəndə məzmunlu və maraqlı oyunlara şahidlik edirik".
Hüseynov azarkeşlik etdiyi millilərin adlarını çəkməklə yanaşı, turnirin həlledici oyunu ilə bağlı da ehtimalını səsləndirib: "Əsas Türkiyəyə azarkeşlik edirəm, onların maksimum irəli getməsini arzulayıram. Həmçinin qonşumuz Gürcüstana da biganə deyiləm. Qonşuluqla yanaşı, Badri Kvaratsxeliyanın oğlu və "Qarabağ"ın sabiq qapıçısı da orda oynayır. Finalda isə İspaniyə ilə İngiltərəni görürəm".
