Idman.biz
"Mançester Siti"nin keçmiş oyunçusu Yaya Ture qanalı cinah oyunçusu Antuan Semenyonun "şəhərlilər"in klubuna keçidindən sonra onu dəstəkləyib.
İdman.Biz bildirir ki, daha əvvəl oyunçunun Mançester klubu ilə müqaviləsinin beş il yarım müddətinə bağlandığı, transfer haqqının isə 75 milyon avro (65 milyon funt sterlinq) olduğu açıqlanıb.
"42 nömrə etibarlı əllərdədir. "Mançester Siti" üçün əla, Afrika üçün əla. Uğurlar, Antuan Semenyo – "Siti" azarkeşləri sənə qayğı göstərəcək!" - Yaya Ture özünün X sosial media hesabında yazıb.
Qanalı cinah oyunçusu "şəhərlilər"in klubuna keçmək üçün Premyer Liqanın dörd klubundan ("Çelsi", "Tottenhem", "Liverpul" və "Mançester Yunayted") imtina edib.
İngiltərə Premyer Liqasının hazırkı mövsümündə 25 yaşlı Antuan Semenyo 20 oyun keçirib, 10 qol vurub və üç məhsuldar ötürmə edib.
