Report.az
Xorvatiya millisinin və Fransanın "Monako" klubunun sabiq yarımmüdafiəçisi Nikola Pokrivaç yol qəzasında vəfat edib.
"Report" xəbər verir ki, bu barədə Xorvatiya Futbol Assosiasiyasının (HNS) rəsmi saytı məlumat yayıb.
39 yaşlı futbolçu Karlovats şəhərində dörd minik avtomobilinin toqquşması nəticəsində həlak olub. Onunla birlikdə daha bir nəfər dünyasını dəyişib.
Qeyd edək ki, Pokrivaç son olaraq ölkəsinin aşağı divizion klubu "Vojniç"də çıxış edirdi.
