Sport24.az
Misli Premyer Liqasının XXVI turunun "Zirə" – "Şamaxı" oyunundan (1:1) sonra meydan sahiblərinin məşqçisi Vüqar Məmməd fikirlərini bölüşüb. Sport24.az xəbər verir ki, o, nəticəni belə şərh edib:
"Çoxsaylı qol epizodlarını boşa verdik, demək olar ki, oyun 90 dəqiqə üstünlüyümüz şəraitində keçdi. Qırmızı vərəqədən əvvəl də, sonra da bu belə idi. 4-5 top fərqi ilə qələbə qazanmalı olduğumuz oyunda bərabərliklə kifayətləndik. Təəssüf ki, sonda 2 xal itirdik. Futbolçularımız qələbəni çox istəyirdi, kifayət qədər cəhd etdilər. Biz hər oyuna maksimum köklənirik. Yuxarı pillərdə yer tutmağı hədəfləyirik. Komandanın penalti istifadə edən futbolçuları Qismət və Ruandır. Topa bu gün Ruan yaxınlaşdı, lakin bəxti gətirmədi. İstər çempionat oyunu, istərsə də kubok oyunu olsun, eyni ciddiyyətlə yanaşırıq."
