Idman.biz
"Liverpul"un yarımmüdafiəçisi Florian Virtz İngiltərə Premyer Liqasının 18-ci turunda "Vulverhempton" ilə oyunda vurduğu qol barədə danışıb.
Oyun 2:1 hesabı ilə "Liverpul"un xeyrinə qurtarıb.
"Bir gün qol vuracağıma əmin idim. Daha əvvəl qol vurmağa və məhsuldar ötürmələr etməyə başlamaq istəyirdim, amma vəziyyət belədir və bunu qəbul etməliyəm. Sadəcə bunun baş verəcəyini bilirdim və davam etdirməyə çalışdım. İlk hissədə əla oynadıq. Oyunun bir az sonra yolumuzu itirdik, amma sonra yenidən yolumuza qayıtdıq. Hamı çox çalışdı. Biz belə oynamaq istəyirik. Burada və turnir cədvəlinin zirvəsində olmaq istəyirik. Mövsümün başlanğıcı bizim üçün asan olmadı, amma biz inkişaf edirik və xallar qazanırıq", - Virtz "Footmercato"ya bildirib.
Bu mövsüm oyunçu klubun heyətində bütün yarışlarda 23 oyuna çıxıb, bir qol vurub və dörd məhsuldar ötürmə edib.
