Sport24.az
Almaniyanın "Verder" klubu baş məşqçisi Horst Steffenlə yolları ayırıb. Sport24.az xəbər verir ki, bu barədə Bremen təmsilçisinin rəsmi saytı məlumat yayıb.
Müvəqqəti olaraq komandanı məşqlərə onun köməkçiləri Rafael Duarte və Kristian Qross çıxardacaq.
Horst Steffen ötən yay komandanın "sükanı arxasına" keçib. "Bremen" klubu onun rəhbərliyi altında ardıcıl on oyundur ki, qələbə qazana bilmir və son qələbəsi noyabrın 7-nə, "Volfsburq"la (2-1) oyuna təsadüf edib.
Qeyd edək ki, "Verder" hazırda turnir cədvəlində 15-ci yerdədir və komandanı düşmə zonasından cəmi bir xal ayırır.
