Sport24.az
"Klub pulumu ödəmədiyinə görə AFFA-ya müraciət etdim. Assosiasiya mayın 1-də mənə olan borcunu ödəmək üçün qarşı tərəfə 15 gün möhlət verdi. Amma onlardan səs-soraq çıxmadı. Belə olan halda təkrar şikayət etdim və indi cavab gözləyirəm. Pulumu alana kimi davamlı şəkildə aidiyyatı qurumlara şikayət ünvanlayacam". Bu sözləri Sport24.az-a açıqlamasında "İrəvan"ın futbolçusu Asim Əlizadə deyib.
"Karyeranı harda davam etdirəcəksən" sualına isə 24 yaşlı futbolçunun vababı belə olub: "Hələki rəsmi təklif yoxdu. Gözləyirəm. Səmimi deyim ki, gələcək karyeramın necə olacağını bilmirəm. Amma ümidimi də itirmirəm".
Qeyd edək ki, U-21-in sabiq üzvü ötən yay "Şamaxı"dan ayrılaraq, "İrəvan"la müqavilə bağlayıb.
ABDULLA İSMAYILOĞLU
