İdman.biz
"İsveçrə və Macarıstanın gözü-qulağı bizim Azərbaycana qarşı oyunumuzda olacaq. Bizi çox yaxından izləyirlər".
İdman.biz xəbər verir ki, bunu qadınlardan ibarət Türkiyə millisinin baş məşqçisi Necla Güngör Kıraqası deyib.
"Ay-ulduzlular"ın çalışdırıcısı AVRO-2025-də Azərbaycana qarşı keçiriləcək oyunlardan öncə fikirlərini açıqlayıb. O bildirib ki, bu qarşılaşmalar onlar üçün çox vacibdir: "Azərbaycana qarşı matçlar qrupdakı ən qiymətli görüşlərdəndir. Səbəbi isə hər 2 oyunda qalib gəlsək, pley-offa yüksələcəyik. Son 2 görüşdən öncə bunu rəsmiləşdirəcəyik. Bu səbəbdən bizim üçün çox qiymətli olan bu 2 oyunda qalib gəlmək istəyirik".
Qeyd edək ki, Türkiyə - Azərbaycan matçı mayın 31-də keçiriləcək. Cavab qarşılaşması isə iyunun 4-də Bakıda baş tutacaq.
İdman.biz
