Idman.biz
"Turan Tovuz"un transfer çalışmalarını davam etdirir.
İdman.Biz sportal.az-a istinadən xəbər verir ki, bölgə təmsilçisinin "Dinamo"nun (Maxaçqala) futbolçusu Şamil Hacıyevi baxışa çağırdığı bildirilir.
Qeyd olunur ki, 20 yaşlı yarımmüdafiəçi baş məşqçi Kurban Berdiyevin etimadını qazanmağa çalışacaq.
Məlumata görə, Şamil Hacıyev cari mövsümdə Rusiya Kubokunda 8 oyunda meydana çıxıb və 1 məhsuldar ötürmə ilə yadda qalıb. Onun Rusiya Premyer Liqasında isə 6 matçda forma geyindiyi vurğulanır.
Qeyd edilib ki, "Smena"nın (Moskva) yetirməsi olan futbolçu daha əvvəl "Krasnodar"ın aşağı yaş qruplarından ibarət komandalarında da çıxış edib. Eyni zamanda, Hacıyevin "Dinamo"nun (Maxaçqala) fəxri prezidenti Hacı Hacıyevin oğlu olduğu da bildirilir.
