Report.az
Futbol üzrə Azərbaycan Kubokunda yarımfinal mərhələsinə vəsiqə qazanan daha bir klub müəyyənləşib.
"Report" xəbər verir ki, "Turan Tovuz" buna nail olub.
Qərb təmsilçisi 1/4 final mərhələsinin cavab oyununda "Kəpəz"i iki cavabsız qolla üstələyib. İlk görüşdə 1:0 hesabı ilə qalib gələn "Turan Tovuz" növbəti raundda iştirak hüququ qazanıb. Komanda yarımfinalda "Zirə" ilə üz-üzə gələcək.
1/4 finalın son oyunuda "Sabah" səfərdə "Qəbələ" ilə (ilk oyun 0:0) üz-üzə gələcək.
Qeyd edək ki, daha əvvəl "Sumqayıt"ı 2:0 (ilk oyun - 0:0) hesabı ilə üstələyən "Zirə" və "Şamaxı"nı məğlub edən (1:2, 3:1) "Qarabağ" yarımfinalda oynamaq hüququ qazanıb.
