Sport24.az
"Şahruddin Məhəmmədəliyev bu gün Azərbaycanın "1 nömrə"sidi. O, "Adana Dəmirspor"dan ayrılsa da, klubsuz günləri çox çəkməyəcək". Bu sözləri Sport24.az-a açıqlamasında Tural Əsgərov deyib.
Tanınmış agent qolkiperin "Qarabağ"a qayıdacağına inanmadığını bildirməklə yanaşı, Məhəmmədəliyevin karyerasını ölkə xaricində davam etdirməkdə maraqlı olduğunu da vurğulayıb: "Şahruddinin potensialı istər "Qarabağ", istərsə də Premyer Liqanın digər klublarında oynamağa imkan verir. Amma ağdamlıların mövsümlərarası fasilədə xorvatiyalı "çərçivə qoruyucusu" ilə anlaşdığını nəzərə alsaq, Məhəmmədəliyevin sabiq klubuna dönəcəyi o qədər də real görünmür. Fikrimcə, elitanın başqa iddialı klubları onu formasında görmək istəyər. Məncə, Şahruddin legioner həyatı yaşamaq istəyir və seçim zamanı ilk olaraq ölkə xaricindən gələn təklifləri dəyərləndirəcək".
Qeyd edək ki, millinin qolkiperi ötən yay anlaşdığı "Adana Dəmirspor"dan ayrılıb.
ABDULLA İSMAYILOĞLU
