Idman.biz
Keçmiş basketbolçu Dennis Rodmanın qızı, "Washington Spirit"in və ABŞ milli komandasının hücumçusu Triniti Rodman dünyanın ən çox qazanan qadın futbolçusu olub.
İdman.Biz-in ESPN-ə istinadən məlumatına görə, o, "Washington Spirit" ilə üç illik müqavilə imzalayıb və bonuslarla birlikdə ildə 2 milyon avro qazanır.
Rodman 2021-ci ildən bəri Milli Qadın Futbol Liqasında "Washington Spirit" komandasında oynayır. O, 2022-ci ildən ABŞ milli komandasının heyətindədir. 2024-cü ildə Triniti Paris Olimpiadasında iştirak edərək üç qol vurub. Onun qollarından biri komandanın yarımfinala yüksəlməsində həlledici rol oynayıb və finalda ABŞ komandası Braziliyanı məğlub edərək qızıl medal qazanıb.
Qeyd etmək lazımdır ki, dünyanın ən çox qazanan futbolçusu olan "Əl-Nəsr"in hücumçusu Kriştianu Ronaldu vergilərı çıxandan sonra bonuslarla 286 milyon avro qazanır.
