Sport24.az
"Tottenhem" yanvarda "Bavariya"nın mərkəz yarımmüdafiəçisi Leon Qoretskanı transfer etməyə çalışacaq. Sport24.az xəbər verir ki, bu barədə "Caught Offside" məlumat yayıb.
Mənbənin sözlərinə görə, 30 yaşlı alman oyunçunun agenti artıq London klubu ilə danışıqlara başlayıb. "Bavariya" hələ futbolçu ilə müqavilənin uzadılması ilə bağlı qərar verməyib, baxmayaraq ki, Qoretskanın Münhen klubu ilə müqaviləsi iyunun 30-da başa çatır. Vurğulanır ki, "Tottenhem"in baş məşqçisi Tomas Frank Qoretskanın transferinin təcili reallaşmasını istəyir.
Qeyd edək ki, Qoretska 2018-ci ildən "Bavariya"nın formasını geyinir. O, Münhen klubu ilə 6 dəfə Almaniya çempionu olub. İki Almaniya Kubokunu qazanmaqla yanaşı, 2019/2020 Çempionlar Liqasını və 2020-də isə FİFA Klublararası Dünya Kubokunu başı üzərinə qaldırıb. O, Almaniya millisi ilə 2017-ci ildə Konfederasiyalar Kubokunu qazanıb. Qoretska bu mövsüm Bundesliqada 14 oyunda meydana çıxıb.
