Sport24.az
Almaniya millisinin və "Real"ın futbolçusu Toni Kross karyerasını bitirməklə bağlı qərarını açıqlayıb.
Sport24.az xəbər verir ki, yarımmüdafiəçi Avropa Çempionatından sonra futbolla vidalaşacaq.
"Real" ilə muqaviləsi mövsümün sonunda bitəcək 34 yaşlı futbolçunun klub ilə yeni müqavilə imzalayacağı deyilirdi. Lakin Toni bununla bağlı sosial şəbəkə hesabında emosional paylaşım edib: "Real"dakı çıxışım həm futbolçu kimi, xüsusən də insan kimi, həyatımı dəyişdirən gün idi. Bu, dünyanın ən böyük klubunda yeni bir fəslin başlanğıcı idi. 10 il sonra, mövsümün sonunda bu fəsil sona çatır. Mən o inanılmaz uğurlu vaxtı heç vaxt unutmayacam!".
Qeyd edək ki, Toni Kross 2014-cü ilin iyul ayının 17-də "Real"a tarnsfer olunub.
