Idman.biz
"Çelsi" klubunun sahibi Todd Bouli 2011-ci ildə maliyyəçi Ceffri Epşteynlə iki dəfə görüşüb. Görüşlər 2011-ci ilin yanvar və sentyabr aylarında baş tutub.
Bu barədə İdman.Biz The Athletic-ə istinadən məlumat verir.
Mənbəyə görə, bunu ABŞ Ədliyyə Nazirliyi tərəfindən yayımlanan elektron məktublar sübut edir. Görüşlər zamanı Epşteyn artıq ilk həbs cəzasını çəkmişdi.
6 iyul 2019-cu ildə Ceffri Epşteyn uşaq cinsi istismarı ittihamı ilə həbs edilib və həmin ilin avqust ayında həbsxana kamerasında ölü tapılıb. Todd Bouli 2022-ci ilin may ayından bəri "Çelsi" klubunun sahibidir.
