Sport24.az
Mart ayının sonunda "Liverpul" və Dortmundun "Borussiya" klubları arasında iki komandanın veteran ulduzlarının iştirakı ilə yoldaşlıq oyunu keçiriləcək. Sport24.az xəbər verir ki, bu barədə "Liverpul" klubunun mətbuat xidməti məlumat yayıb.
Məlumatda qeyd olunur ki, klubun sabiq yarımmüdafiəçisi Stiven Cerrard da görüşdə iştirak edəcək. Yoldaşlıq matçı 28 mart tarixində "Enfild" stadionunda baş tutacaq.
Cerriard "Liverpul" tarixinin ən yaxşı futbolçularından biri hesab olunur. O, 1997–2015-ci illərdə "qırmızılar"ın formasını geyinib.
Yarımmüdafiəçi oyunçu karyerasını 2017-ci ildə bitirib.
