Sport24.az
"Hesab edirəm ki, nəticə ədalətlidir". Sport24.az UEFA-nın mətbuat xidmətinə istinadən xəbər verir ki, bunu Sloveniyanın baş məşqçisi Matyas Kek Avropa çempionatının qrup mərhələsinin I turu çərçivəsində Danimarka ilə oyundan sonra deyib.
Mütəxəssis ilk hissədə rəqibə həddən artıq artıq loyal yanaşdıqlarını söyləyib: "Çox fərqli iki hissə gördük. İlk hissədə rəqibə həddən artıq "hörmət" etdik, amma sonra daha yaxşı oynadıq. Çox yaxşı komandaya qarşı mübarizə apardıq, ancaq qol buraxdığımız epizodda bəsit səhvə yol verdik. Azarkeşlər bizə inanılmaz dəstək verirlər. Çox gülər üzlər görürəm. Hətta rəqib azarkeşlər də hörmət edirlər. Bütün bunları gördüyüm üçün şadam və hər kəsə təşəkkürümü bildirirəm".
Qeyd edək ki, Sloveniya və Danimarka yığmaları arasında keçirilən görüş 1:1 hesabı ilə başa çatıb.
