Sport24.az
"Məni Turan Tovuz"a Ayxan Abbasov dəvət etmişdi. Klubla 1 illik müqavilə imzalamışdım. Sözləşməmin müddəti mayın 31-də başa çatıb". Bu sözləri Sport24.az-a açıqmasında Slavik Alxasov deyib.
Təcrübəli futbolçu hazırda qeyri-müəyyənlik içində olduğunu da vurğulayıb: "Tovuz təmsilçisi ilə anlaşmam ötən ay başa çatıb. Klub rəhbərliyi isə hələ susur. Onlardan nə sözləşmənin yenilənməsi, nə də yola salınmam barədə səs-soraq yoxdu. Hələ ki, başqa təkliflər də almamışam. Hələ futbol oynamaq eşqindəyəm. Növbəti mövsümdə üçün hansı komandanın formasını geyinəcəyimi bilmirəm".
Qeyd edək ki, Alxasov son mövsümdə "boz qurdlar"ın heyətində 7 oyuna çıxıb.
