Idman.biz
İspaniya La Liqasının 2026/27 mövsümünün ilk oyunu olan "Sevilya" və "Rayo Valyekano" arasında keçirilən oyun başa çatıb.
İdman.Biz bildirir ki, oyun İspaniyanın Sevilya şəhərindəki "Ramón Sanchez Pizjuán" stadionunda baş tutub. Hakim vəzifəsini Bilbaodan olan De Burqos Bengoeçea yerinə yetirib. Ev sahibi komandanın oyunçuları 2:1 hesablı qələbəni qeyd ediblər.
"Rayo Valyekano"nun yarımmüdafiəçisi Alvaro Qarsiya matçın ilk qolunu dördüncü dəqiqədə vurub. 54-cü dəqiqədə "Sevilya"nın yarımmüdafiəçisi Xon Quridi penaltidən qolla hesabı bərabərləşdirib. 88-ci dəqiqədə meydan sahibləri on nəfərlə geridə qalıblar. Müdafiəçi Kike Salas birbaşa qırmızı vərəqə alıb. 90+7-ci dəqiqədə "Sevilya"nın hücumçusu Peke penaltidən qolla komandasının qələbəsini təmin edib və hesabı 2:1 edib.
Növbəti turda "Sevilya" avqustun 22-də səfərdə "Atletik Bilbao" ilə, "Rayo Valyekano" iləs avqustun 20-də evdə "Alaves"lə qarşılaşacaq.
00:25
La Liqada 2026/27 mövsümü start götürüb.
İdman.Biz xəbər verir ki, mövsümün açılış matçında "Alaves" "Xetafe"ni qəbul edib və 3:0 hesabı ilə qalib gəldi.
42-ci dəqiqədə Kiko Femenia meydandan qovulduqdan sonra qonaqlar on nəfərlə qaldılar.
Ev sahibləri matçın sonlarına yaxın say üstünlüyünü qola çevirdilər: 73-cü dəqiqədə Mariano Diazın ötürməsindən Nauel Tenalya, əlavə vaxtın ilk dəqiqəsində isə Diaz özü qol vurdu. Diazın ötürmə etdiyi Mikel Rodrigez matçın yekun hesabını müəyyən etdi.
09:58
Bu gün İspaniya La Liqasında 2026/27 mövsümünə start verilib.
İdman.Biz xəbər verir ki, avqustun 15-də La Liqanın 1-ci turu çərçivəsində iki oyun keçiriləcək.
Günün ilk qarşılaşmasında "Alaves" doğma meydanda "Xetafe"ni qəbul edəcək.
Görüş Bakı vaxtı ilə saat 21:30-da başlayacaq.
Günün digər matçında isə "Sevilya" "Rayo Valyekano" ilə üz-üzə gələcək.
Bu qarşılaşmanın startı Bakı vaxtı ilə 23:30-a təsadüf edəcək.
