Sport24.az
"Ötən "futbol ili" ilə müqayisədə bu mövsümdə yaxşı çıxış etdik. Fikrimcə, daha da yaxşı ola bilərdi. Sadəcə, bəzi oyunlara vacib xallar itirdik". Bu sözləri Sport24.az-a açıqlamasında "Turan Tovuz"un futbolçusu Şəhriyar Əliyev deyib.
Tovuz təmsilçisinin kapitanı başa çatan mövsümdə öz çıxışını dəyərləndirməklə yanaşı, gələcək karyerası haqqında da söz açıb: "Başa çatan mövsümdə öz çıxışımdan narazıyam. Məncə, komandama istədiyim kimi kömək edə bilmədim. Gələn ay "Tovuz Turan"la müqaviləmin müddəti başa çatır. Rəhbərliklə görüşümüz olacaq. Məndən olsa, "Turan Tovuz"da qalıb ona daha çox fayda verməyi özümə borc bilirəm"
Qeyd edək ki, Qərb klubu 2023/24 mövsümünü 6-cı pillədə başa vurub.
Polad Azər
