Sport24.az
Bu gün Misli Premyer Liqasının 9-cu turu çərçivəsində daha iki oyun keçiriləcək. Sport24.az xəbər verir ki, günün ilk matçı Sumqayıtda keçiriləcək.
"Şəfa" "SOCAR Polymer Arena"da "Kəpəz"i qonaq edir. Nominal meyda sahibləri mövsümə uğursuz start verib. Paytaxt təmsilçisi geridə qalan turlar ərzində 1 qələbəyə sevindiyi halda, 7 matçda meydanı məyus tərk edib. Zaur Həşimovun baş məşqçisi olduğu kollektiv hazırda 3 xalla turnir cədvəlinin 11-ci pilləsində qərarlaşıb. Gəncə təmsilçisi isə əksinə, azarkeşlərini yaxşı mənada təəccübləndirməkdə davam edir. Bəlkə də çoxları "sarı-göylər"dən belə start gözləmirdi. Azər Məmmədovun çalışdırdığı komanda 8 turdan sonra ( 1 oyunu təxirə salınıb) 11 xal toplayaraq 7-ci yerdədir.
Qeyd edək ki, turun ilk günündə "Zirə" "doğma divarlar" arasında "Sumqayıt"ı (3:2) məğlub edib. "Qəbələ" isə səfərdə "Araz-Naxçıvan"ı (2:1) məyus edib.
Misli Premyer Liqası
I dövrə, IX tur
16:30. "Şəfa" - "Kəpəz"
Hakimlər: Cavid Cəlilov, Kamran Bayramov, Müslüm Əliyev, Kamran Əliyev
VAR: Vüqar Həsənli
AVAR: Namiq Hüseynov
Hakim-inspektor: Ramil Diniyev
AFFA nümayəndəsi: Asif Əliyev
Sumqayıt. "SOCAR Polymer Arena".
