Sport24.az
"Düzünü desəm, heç vaxt təsəvvür etməzdim ki, bir gün Azərbaycan klubunda oynayacam". Sport24.az xəbər verir ki, bu sözləri Afrika mətbuatına açıqlamasında "Səbail"in futbolçusu Sofian Budra deyib.
Quba təmsilçisinin yeni transferi Azərbaycana keçidi barədə danışıb:
"İdman karyerası ərzində bəzən gözlənilməz yerlərdə oynamaq imkanları yaranır. Klubla danışdım və onlar mənə maraqlı idman layihəsi təqdim etdilər. Klub prezidenti ilə müzakirələrdən sonra komandaya qoşulmağa qərar verdim. Söhbətlərimizdən sonra bu ölkədə oynamaq üçün doğru vaxt olduğunu düşündüm".
Əlcəzairin aşağı yaş qrupları üzrə milli komandalarında çıxış etmiş 23 yaşlı vinger gələcəkdə Avropanın böyük klublarında oynamaq istədiyini bildirib:
"Özümə heç bir məhdudiyyət qoymuram. Futbolda hər şey mümkündür. Dünyanın ən böyük klublarında oynamağa can atıram".
Qeyd edək ki, "Səbail" I Liqada 6 turdan sonra 11 xalla turnir cədvəlinin 4-cü pilləsində qərarlaşıb.
